Ենթակա է խմբագրման
Նկարագրություն
Ջաննի Ռոդարին համարվում է 20-րդ դարի լավագույն մանկագիրներից մեկը: Նա հայտնի է հատկապես «Չիպոլինոյի արկածները» (1957 թ.) և «Ջելսոմինոն խաբեբաների աշխարհում» (1959 թ.) վիպակներով, սակայն նրա ստեղծագործական կյանքը առավել բազմազան է: Քչերին է հայտնի, որ Ռոդարին ունի նաև բանաստեղծությունների ժողովածուներ: 1951 թվականին, երբ նա դարձավ Հռոմի մանկական շաբաթաթերթի գլխավոր խմբագիրը, միաժամանակ սկսեց գրել իր առաջին՝ մանկական բանաստեղծությունների ժողովածուն՝ «Il libro delle filastrocche», որը լույս տեսավ նույն թվականին: / Վիքիպեդիա/
Ռոդարիական նախագիծը ուսումնական օրացույցով հաստատված նախագիծ է, որն իրականացվում է ամեն տարվա ապրիլին, կրթահամալիրի կրտսեր դպրոցներում: Նախագիծը հնարավորություն է տալիս երևակայելու, ստեղծագործելու, բառապաշարը հարստացնելու, բանավոր խոսքը զարգացնելու: Նախագծի ընթացքում սովորողները կկարդան տարբեր ստեղծագործություներ, ռոդարիական տարբեր հնարքներով կստեղծագործեն, կխաղան, հեքիաթների խառնաշփոթ ստեղծելով՝ կստեղծեն նոր հեքիաթ:
Տևողությունը՝ ապրիլի 1-ից-30-ը
Տարիքային խումբը՝ առաջինից երրորդ դասարաններ
Սպասվելիք արդյունքներ՝
Ռոդարիական գրական ստեղծագործությունների ճանաչում, ստեղծագործական մտածողության զարգացում, մեդիանյութերի, աուդիոգրքերի, մեդիաերաժշտական ներկայացումների, էլեկտրոնային ընթերցարանների, հորինուկների, ֆիլմադարանի ստեղծում:
Նախատեսվում է՝
Ռոդարիական խաղ-մարմնակրթություն, հորինուկներ, թրագմանություններ, ֆիլմադարանի ստեղծում:
Աուդիոհեքիաթներ
Ալիսա գլորիկը
Երկիր որտեղ ոչ մի սուր բան չկար
Ընտանեկան նախագծերի արդյունքներ
Ճանապարհ, որը ոչ մի տեղ չի տանում
Ռոդարիական խաղեր, մարզախաղեր
Խաղ 1մարզախաղ
Խաղ 2 մարզախաղ
Խաղ 3 մարզախաղ
Բնագիտական փորձ
Մուլտֆիլմ
Առաջին դասարան
Նպատակը՝
- ծանոթանալ Ջանի Ռոդարիի գործունեությանը
- Ճանաչել Ռոդարիի ստեղծագործությունները
- խոսքի զարգացում
- երևակայության հմտության զարգացում
- լսածը վերարտադրելու հմտություն
Խնդիրները՝
- Ռոդարիի թողած գրական ժառանգության ուսումնասիրություն
- մեդիատեխնոլոգիական հմտությունների ձևավորում
- բնագիտական տարրական հմտությունների ձևավորում
Սովորողների ամենօրյա գործունեության տեսակները
- բանավոր խոսք, թատրոն
- մեդիատեխնոլոգիա
- ծեփ կամ նկարչություն
- բնագիտական գործունեություն
- երգ-պար-խաղ
- մարմնակրթություն
Ստեղծագործությունների ցանկ
- Կոնֆետի անձրևը
- Պաղպաղակե դղյակը
- Թարս հարցեր
- Շոկոլադե ճանապարհը
- Այ քեզ շաբաթ
Ներկայացված է մեկ օրինակ /ստեղծագործության հետ աշխատանք/
Ռոդարիական <<Կոնֆետի անձրևը>> ստեղծագործության հետ աշխատանք
- հեքիաթի ընթերցում
- անհասկանալ բառերի բացատրություն
- քննարկում
- ընթերցածը պատմել տարբեր ձայներով /ուրախ, տխուր, զարմացած, հարցական, հաստատուն: Պատմել կոնֆետի անունից, անցորդի անունից…./
- զրույց անձրևի մասին /ինչպիսի՞ն է, ինչի՞ց է առաջանում, ի՞նչ կլինի եթե…./ տե՛ս օրինակը
բնագիտական փորձ /անձրևին, ծիածանին վերաբերող/ Կոնֆետների ծիածան
- Paint նկարչական ծրագրով նկարել հեքիաթը և մուտքագրել քաղցր բառեր:
- բառերի վանկատում և հեգում
- հոմանիշներ և հականաիշներ
- հանելուկներ անձրևի մասին /փորձել՝ հորինել/
- երաժտական խաղ-ներկայացում
- ռոդարիական մարմնակրթություն /տե՛ս մի օրինակ/
Նախագծի արդյունքում ակնկալում ենք ունենալ.
- մեդիաերաժշտական խաղ ռոդարիական ստեղծագործություններով
- ռադինյութեր, տեսանյութեր սովորողների հորինուկներով
Երկրորդ դասարան
Նպատակը՝
- ծանոթանալ Ջանի Ռոդարիի գործունեությանը
- ճանաչել և կարդալ Ռոդարիի ստեղծագործությունները
- հորինուկների, մեդիագրքի ստեղծում /Ռոդարիական ֆիլմերի, աուդիոնյութերի մեդիափաթեթ
- համացանցում որոնողական հմտության ձևավորում
- բառապաշարի հարստացում
- լսածը վերարտադրելու հմտություն
Խնդիրները՝
- խոսքի զարգացում
- երևակայության հմտության զարգացում
- մեդիատեխնոլոգիական հմտությունների ձևավորում-ամրապնդում
- դերային ընթերցանության զարգացում
- քննարկելու, ստեղծագործության վերաբերյալ կարծիք արտահայտելու հմտության ձևավորում
- ռոդարիական մեդիաընթերցարանների, ֆիլմերի, հեքիաթների ժողովածուների ստեղծում
Նախապատրաստական փուլ
Առաջին փուլում մի փոքր զրուցել Ռոդարիի մասին, պարզել երեխաների ունեցած ինֆորմացիան, վերհիշել առաջին դասարանում անցած ստեղծագործությունները: Համացանցում որոնել իրենց իմացած ռոդարիական ստեղծագործությունների մեդիատարբերակներ, նախորդ տարի իրենց և այլ սովորողների կողմից պատրաստած մեդիանյութեր, դիտել դրանք, քննարկել, նորը ստեղծել:
Ստեղծագործությունների ցանկ
Կապույտ լուսակիրը
Հեքիաթներ, որ երեք ավարտ ունեն
Ուսումնական փուլ
Այս փուլում կատարելու ենք խմբային և անհատական աշխատանքներ:
Խմբային աշխատանքն իրականացնելու ենք դպրոցում, դասարանում: Կընտրենք տարբեր հեքիաթներից հերոսներ, կպատրաստենք ստվարաթղթե տիկնիկներ ռոդարիական հնարքով կստեղծենք հեքիաթիների խառնաշփոթ և կբեմադրենք: Ներկայացում կխաղանք դասարանում, հինգ տարեկանների դասարանում….:
Յուրաքանչյուրին տրվելու է նաև անհատական աշխատանք: Դրանցից են՝
- նկարի՛ր քեզ ծանոթ հերոսներին, հեքիաթը
- տրված ստեղծագործությունից նկարի՛ր քեզ դուր եկած հերոսին, հատվածը
- ստեղծում ենք «Ինչ կլիներ, եթե…»-ների շարք
- ինքնուրույն կամ մեծահասակի օգնությամբ ձայնագրի՛ր ստեղծագործությունը
Նախագծի իրականացման ընթացքում կարող են ի հայտ գալ նոր առաջարկներ , նոր մոտեցումներ և նախագիծը կարող է որոշակի փոփոխությունների ենթարկվել ըստ սովորողների առաջարկության:
Երրորդ դասարան
Երրորդ դասարանի նախագիծը մշակել և փորձարկել ենք Լուսինե Գասպարյան հետ: Երրորդ դասարանում աղայանական օրերն ու ռոդարիական օրերը միացրել ենք իրար:
Նպատակը՝
- խմբային աշխատանքի կազմակերպում
- բառապաշարի հարստացում
- ռորարիաաղայանական ֆիլմադարանի ստեղծում
- թարգմանություն
Խնդիրները`
- ծանոթանալ, վերհիշել Ջանի Ռոդարիի և Աղայանի ստեղծագործությունները
- ուսումնասիրել և առանձնացնել ստեղծագործությունները
- զարգացնել սովորողների մեդիատեխնոլոգիական հմտությունները
- զարգացնել որոնողական կայքերից ճիշտ օգտվելու հմտությունները
- ամրապնդել իրար լսելու, քննարկելու կարողությունները
- զարգացնել ստեղծագործելու, երևակայելու հմտությունները
- խմբային աշխատանքի արդյունքում՝ աշխատանքի ճիշտ ներկայացնելը
- թարգմանական աշխատանքներ
Աշխատանքի կազմակերպման ընթացքը՝
Ռոդարիի և Աղայանի ստեղծագործությունների մասին սովորողներն արդեն որոշակի գիտելիքներ ունեն անցած երկու տարիներից : Ի մի ենք բերում ունեցած գիտելիքները: Վերհիշում անցած ստեղծագործությունները: Ստեղծում ենք աշխատանքային խմբեր՝ տարբեր թեմաներով ուսումնասիրություններ կատարելու համար:
Առաջին փուլ.
Յուրաքանչյուր խումբ ընտրում է իր թեման և սկսում աշխատանքնային գործընթացը /բաժանվում են 5-ից 7 հոգանոց խմբերի/
- առանձնացել ընթերցած ստեղծագործությունները
- գտնել տեղեկություն, հետաքրքիր փաստեր Ջանի Ռոդարիի և Ղազարոս Աղայանի մասին
- գտնել մուլտֆիլմեր /օպերա, բալետ/ նկարահանված վերը նշված հեղինակների ստեղծագործությունների հիման վրա
- թարգմանչական աշխատանք
- հեքիաթի, բանաստեղծության ներկայացում /բեմադրություն, ռադիոնյութ, տեսանյութ/
Երկրորդ փուլ
Յուրաքանչյուր խումբ, կատարում է աշխատանքի բաշխում: Աշխատանքի ընթացքին հետևում են ինչպես դպրոցում, այնպես էլ էլ. հասցեի միջոցով՝ միմյանց հետ քննարկումներով: Իրականացրած աշխատանքները իմի են բերում բլոգում:
Երրորդ փուլ
Յուրաքանչյուր խումբ ընտրած և թարգմանած հեքիաթը ներկայացնում է՝ սահիկաշարի, ռադիոնյութի, դերային խաղի, տեսանյութի միջոցով/ այլ/:
Արդյունքում կունենանք խմբային աշխատանքների ամբողջական փաթեթներ, որը ստեղծել են սովորողները:
Նախորդ տարվա խմբային աշխատանքների արդյունքներ
Արևմտյան դպրոց 3.1 դասարան՝
Թարգմանություն՝ Արի թվեր հորինենք, Ջանի Ռոդարի
Ջանի Ռոդարիի և Ղազարոս Աղայանի մուլտֆիլմերը, օպերան և հեքիաթները
Մեր ընթերցած ստեղծագործությունները Ջանի Ռոդարիից և Ղազարոս Աղայանից
Տեղեկություն Ջանի Ռոդարիի և Ղազարոս Աղայանի մասին
Ռոդարիական ռադիոնյութ, խմբային աշխատանք Ծակ կոշիկը
Ուրախություն նվիրող մարդուկը
Հարավային դպրոց 3.1 դասարան՝
Խոսքի մշակույթ 
