2023-2024 ուստարի
Նկարագրություն
«Մխիթար Սեբաստացի» կրթահամալիրում նման նախագծեր մշտապես իրականացվում են: Դրանք տեսանելի են Միջին, Ավագ դպրոցներում, Քոլեջում: «Կարդում ենք արտասահմանյան գրականություն» նախագծի հիմնական նպատակը համաշխարհային գրականությանը ծանոթանալն է, ստեղծագործությունների ընթերցելն է ու վերընթերցելը, ինչպես նաև՝ գրական ստեղծագործությունների բաց քննարկումներ կազմակերպելը:
Մասնակիցները՝
Նախագիծը նախատեսվում է Ավագ դպրոց-վարժարանի, քոլեջի սովորողների համար: Դասավանդողերը նախագծի իրականացման գործընթացում առավելապես հանդես են գալիս որպես խորհրդատու-համակարգող:
Նպատակը՝
- համաշխարհային գրականության ընթերցում
- միջմշակութային հաղորդակցություն
Խնդիրները՝
- արտասահմանյան գրականության նկատմամբ հետաքրքրության խթանում
- արտասահմանյան գրականության տարածում
Թեմաները՝
- հայ գրականությունը՝ համաշխարհային գրականության մի մաս
- մարդկային հույզերի, զգացմունքների աշխարհը արտասահմանյան գրականության մեջ
- գեղարվեստական հայացքների բացահայտումը արտասահմանյան գրականության էջերում
- գեղագիտական ճաշակի դրսևորումները արտասահմանյան գրականության մեջ
- արտասահմանյան գրականության հայտնի էջերի թարգմանությունները և թարգմանիչները
Ժամանակացույցը՝
Նախագծի իրականացման քայլերը՝
- նախագծի քննարկում սովորողների հետ, առաջարկությունների գրանցում
- Ժամկետների, աշխատանքների ճշգրտում, աշխատանքի բաժանում
- ստեղծագործությունների ընտրություն-հիմնավորում
- սովորողներն ընթերցում են ստեղծագործությունները
- վերլուծությունների, մեդիաընթերցումների կատարում
- արդյունքների տեղադրում բլոգներում
- քննարկումների պատրաստություն. հարցերի կազմմում
- ստեղծված փաթեթների, նյութերի տարածում համացանցում, նախագծի հանրայնացում,
- նախագծի լուսաբանում, ներկայացում կայքում, սովորողների և ուսուցիչների բլոգներում:
Աշխատակարգը՝
Արդեն մի քանի տարի է, ինչ մայիս ամսին իրականացնում ենք այս նախագիծը, որի ընթացքում սովորողները կարդում, քննարկում են համաշխարհային գրականության իրենց հավանած-ընտրած ստեղծագործությունները: Որպես մայրենիի ուսուցիչ՝ կարևորում եմ, որ սովորողները նախագծի իրականացման ընթացքում կարողանան ձեռք բերել և զարգացնել մի շարք հմտություններ և կարողություններ։ Այդ պատճառով նախապես տրվում են նաև հետևյալ հանձնարարականները։
Հանձնարարականներ
Սովորողի վերլուծությանը ներկայացվող պահանջներ
- ինչի՞ մասին է ստեղծագործությունը
- ո՞րն է ստեղծագործության մեջ արտահայտված գաղափարը՝ ասելիքը
- ներկայացված հերոսը իբրև ընդհանրացում
- անդրադարձ պատկերին և պատկերավորման միջոցներին
- ձեր վերաբերմունքը, մտածումները, տրամադրությունը
Գրավոր և բանավոր խոսքին ուղղված հանձնարարականներ
- ընտրեք ասելիքի անկեղծ, պարզ և թեթև ձև
- զգուշացեք մանրամասն նկարագրությունից, ավելորդ բառերից, խոսքի խճողումներից
- զերծ մնացեք կաղապարված խոսքից
- գրելիս հաշվի առեք պահը, ձեր մտածումները, տրամադրությունը, արտաքին շրջապատի ազդեցությունները:
Առաջարկվող պատմվածքներ
- Պատրիկ Զյուսքինդ «Խորության փնտրտուք»
- Աբդուլ Մաջիդ Նաջաֆի «Աղե մարդը»
- Նիկո Լորթքիփանիձե «Սուրբծննդյան մանրապատումներ»
- Ջեյմս Ջոյս «Էվելին»
- Ֆերեյդուն Թոնքաբոնի «Տատիկը քնած չէր»
- Ուայմարք Ջեյքոբս «Կապիկի թաթը»
Առաջարկվող ուսումնական փաթեթներ՝
Առաջարկվող կայքէջեր՝
Ակնկալվող արդյունքներ՝
- պատումներ, վերլուծություններ
- հետազոտական աշխատանքներ, ուսումնասիրություններ
- քննարկումներ, բաց պարապմունքներ
Նախագծի արդյունքների ներկայացում
- սովորողների ամփոփումներ իրենց բլոգներում
- հավաքված նյութերի մշակում-հրապարակում
- բաց պարապմունքների կազմակերպում
Նախագծի մշակումը՝ Նունե Մովսիսյանի